Meksika 19 neft yatağını bağlamağa hazırdır

Meksika prezidenti Andres Manuel Lopes Obrador neftin qiymətinin düşməsi səbəbi ilə ölkənin 200-dən çox quyu olan 19 yeni yatağında neft hasilatını dayandırmağa hazır olduğunu söyləyib.

Bu barədə “Report” “RİA Novosti”yə istinadən xəbər verir.

“Keçən il uzun illərdən sonra ilk dəfə olaraq 19 yeni yatağın işlənməsinə başlanıldı. 200-dən çox yeni quyu qazdıq. Bu quyulardakı klapanları təzyiq itirmədən bağlamaq mümkün olacaq. Bu, köhnə quyularda, mümkün deyil. Nəticədə hasilatı azaltmağımıza bu amil yardım edəcək”, - Lopes Obrador deyib.