Liviya neft hasilatını artırmağı planlaşdırır

Bakı. 3 oktyabr. REPORT.AZ/ Liviya gündəlik neft hasilatının həcmini 1,25 mln. barelə çatdırıb və bu həcmi artırmağı planlaşdırır.

“Report” TASS-a istinadən xəbər verir ki, bu barədə Moskvada keçirilən “Rusiya enerji həftəsi”ndə Liviya Milli Neft Korporasiyasının (National Oil Corporation, NOC) rəhbəri Mustafa Sanalla jurnalistlərə bildirib.

Qeyd edək ki, o, daha əvvəl “Bloomberg” agentliyinə ölkədə davam edən qeyri-stabillik nəzərə alınaraq Liviyanın 2022-ci ilə qədər gündəlik neft hasilatını 2 mln. barelə çatdırmaq imkanlarına baxacağını qeyd etmişdi.