İran və Rusiya enerji layihələrini müzakirə edirlər

İran ilə Rusiya arasında neft-qaz və elektrik enerjisi sahəsində yeni müştərək layihələr müzakirə olunur. İran öz istilik və su elektrik stansiyalarının modernləşdirilməsi və təkmilləşdirilməsində Rusiya şirkətlərinin iştirakında maraqlıdır.

“Report” “Rossia-24” telekanalına istinadən xəbər verir ki, bu barədə Rusiyanın energetika naziri Aleksandr Novak müsahibəsində bildirib. O, İranla müştərək enerji layihələrinin Rusiya sərmayəsi üçün başlıca istiqamətlərdən bir olduğunu qeyd edib.

Bununla yanaşı, iki ölkə arasında nəqliyyat, sənaye, əczaçılıq sahəsində də əlaqələrin sürətlə inkişaf etdiyi diqqətə çatdırılıb.