​Hindistan vahid dövlət neft korporasiyası yaratmağı planlaşdırır

Bakı. 25 iyul. REPORT.AZ/ Hindistan hökuməti 13 milli neft şirkətinin vahid dövlət korporasiyasında birləşdirilməsi üçün məsləhətləşmələrə başlamaq niyyətindədir.

"Report" xəbər verir ki, bu barədə "The Economic Times" hökumətdəki mənbəyə istinadən yazıb.

Məlumata görə, Hindistanın Neft Nazirliyi Neft və Təbii Qaz Korporasiyası (ONGC) daxil olmaqla birləşdiriləcək 13 şirkətin qiymətləndirməsini aparır. Yeni şirkət yaradılarsa onun bazar dəyəri Rusiyanın "Rosneft" şirkətindən də yüksək ola bilər.