Gürcüstanın nazir müavini: “Azərbaycan regionun enerji təhlükəsizliyinin təminatında çox vacib rol oynayır”

Tbilisi. 4 oktyabr. REPORT.AZ/ “Azərbaycan bütün regionda nəinki enerji təhlükəsizliyinin təminatında, eləcə də iqtisadi münasibətlərdə çox vacib rol oynayır”.

“Report”un yerli bürosu xəbər verir ki, bunu Gürcüstanın iqtisdiyyat və davamlı inkişaf nazirinin müavini Natia Turnava jurnalistlərə açıqlamasında deyib.

O, Azərbaycanın Gürcüstanın əsas qaz təminatçısı olduğunu vurğulayıb: “Bizim bu sahədə Azərbaycanla çox yaxşı və məhsuldar əməkdaşlığımız var. Əminik ki, Azərbaycanın qaz tədarükçü şirkətləri Gürcüstanda energetika sahəsində həyata keçirilən islahatlarda çox fəal iştirak edəcəklər”.