“Gazprom” bu il qaz hasilatı planını artırmaq niyyətindədir

Bakı. 14 may. REPORT.AZ/ “Gazprom” bu il üçün qaz hasilatı planını artırmaq niyyətindədir.

“Report” Rusiya KİV-inə istinadən xəbər verir ki, bu barədə Şirkətin İdarə Heyətinin sədr müavini Vitali Markelov bildirib.

Onun sözlərinə görə, Şirkətin Direktorlar Şurasında bu il üçün qaz hasilat planı 475,8 mlrd. kubmetr həcmində təsdiq edilib: “Bu ilin qışı qaz nəqli baxımından əvvəlki ilin qışından bir qədər fərqli olub. Hazırda biz plandan 16 mlrd. kubmetr çox qaz hasil etmişik. I və II rübün nəticələrinə baxılaraq hasilat planının artırılması mümkün ola bilər”.