“Fitch” bir ayda ikinci dəfə 2019-cu il üçün neft qiymətləri ilə bağlı proqnozunu aşağı salıb

Bakı. 27 noyabr. REPORT.AZ/ “Fitch Solutions” noyabr ayında ikinci dəfə “Brent” etalon neft markasının 2019-cu il üçün qiymət proqnozunu aşağı salıb.

“Report” xəbər verir ki, agentlik təməl proqnozunun dəyişdirilməsinə daha çox ABŞ-ın İrana qarşı mövqeyi ilə bağlı mövcud vəziyyətin təsir etdiyini bəyan edib. Hazırda Şimal dənizi neftinin bir barelinin gələn il noyabr ayının əvvəlində, ehtimal olunduğu kimi, orta hesabla 81 dollara yox, 75 dollara, WTI markalı neft üçün isə 75 dollara yox, 69 dollara satılacağı bildirilir.

“Tələb və təklif ilə bağlı qənaətimizdə mühüm dəyişiklik yoxdur, lakin dünya bazarındakı nisbət hazırda yanacaq bolluğuna doğru gedir”, - deyə proqnozda qeyd olunur.