Fatih Dönməz: “Təbii qazın rublla ödənilməsinə dair Rusiya ilə razılıq əldə olunub”

“Prezident Rəcəb Tayyib Ərdoğan və Vladimir Putin arasında aparılan danışıqlardan sonra Türkiyənin Rusiya təbii qazının rublla alınmasına dair prinsipial razılıq əldə olunub. Yaxın günlərdə qrafik və qiymətlərlə bağlı vəziyyətə aydınlıq gətiriləcək”.

“Report” xəbər verir ki, bunu Türkiyənin enerji və təbii sərvətlər naziri Fatih Dönməz bildirib.

Onun sözlərinə görə, hazırda tranzitin müəyyən hissəsinin Türkiyə lirəsi ilə ödənilməsinin mümkünlüyü müzakirə olunur.

Mersində “Akkuyu” AES-in tikintisi barədə danışan nazir Türkiyənin bu layihənin vaxt itirmədən həyata keçirilməsində maraqlı olduğunu söyləyib: “İki ölkənin liderləri yaxın vaxtlarda layihənin gedişatını müzakirə edəcəklər”.