“Equinor”, “Wintershall Dea” və “Petoro” şirkətləri Norveç dənizində qaz yataqları kəşf edib

Norveçin “Equinor” və “Petoro” şirkətləri, həmçinin Almaniyanın “Wintershall Dea” şirkəti Norveç dənizində qaz yatağı aşkar edib.

"Report" xəbər verir ki, bu barədə "Equinor"un mətbuat üçün açıqlamasında deyilir.

Şirkətin məlumatına görə, bu, 2023-cü ildə Norveçin kontinental şelfində ilk yataq kəşfidir. Yeni yatağın İrpa qaz yatağından 23 km cənubda yerləşdiyi bildirilir.