Neft ucuzlaşıb

İnvestorların Rusiyadan Çinə “qara qızıl” tədarükünün artması ehtimalını müzakirə etdiyi bir zamanda dünya bazarında neftin qiyməti düşüb.

“Report” birjalara istinadən xəbər verir ki, Şimal dənizində hasil olunan “Brent” neftinin iyul fyuçersləri 0,62% ucuzlaşaraq, 1 bareli 111,34 ABŞ dollarına satılıb. WTI neftinin iyul fyuçerslərinin qiyməti isə 0,88% düşərək, 1 bareli 108,92 ABŞ dolları təşkil edib.

Mətbuatın məlumatına görə, Çin Rusiya ilə özünün strateji ehtiyatları üçün neft alışını müzakirə edir. Danışıqların hökumət səviyyəsində aparıldığı bildirilir.