BTC ilə neft ixracının gündəlik həcmi iyulda 12 % artıb

Bu ilin iyul ayında Bakı-Tbilisi-Ceyhan (BTC) əsas boru kəməri ilə gündəlik neft ixracını həcmi orta hesabla 688 min barel olub.

“Report” xəbər verir ki, bu barədə OPEC-in aylıq hesabatında məlumat verilib.

“İyun ayı ilə müqayisədə iyulda BTC ilə ixrac sutkada 44 min barel və yaxud 7 % artıb", - məlumatda qeyd edilib.

Ötən ilin iyul ayı ilə müqayisədə isə BTC ilə nəqlin həcmi sutkada 12 % və yaxud 76 min barel artıb.

Xatırladaq ki, BTC 2006-cı il iyulun 13-də istismar verilib. Onun Uzunluğu 1768 km-dir: 443 km Azərbaycan ərazisindən, 249 km Gürcüstan ərazisindən və 1076 km Türkiyə ərazisindən keçir.