"Brent" markalı neftin qiyməti 53 dollardan aşağı düşüb

Bakı. 20 aprel. REPORT.AZ/ "Brent" markalı Şimal dəniz neft qatışığının iyun fyuçerslərinin dəyəri 3,8% aşağı düşərək bir barel üçün 52,74 dollar təşkil edib.

"Report" xəbər verir ki, bu barədə Londonun İCE birjasında keçirilən elektron hərracların nəticələri deməyə əsas verir.

Neftin bu növünün qiyməti sonuncu dəfə aprelin 4-də 53 dollardan aşağı satılıb.

Neftin qiyməti ABŞ-ın Energetka Nazirliyinin ölkədə kommersiya tipli neft ehtiyatları barədə həftəlik məlumatından sonra sürətlə aşağı düşməyə başlayıb.