Yuxarı

​"BP-Azerbaijan": Yeni layihələr çərçivəsində 15 mindən artıq yeni iş yerləri yaradılıb

Şirkətdə birbaşa olaraq 2900 nəfər Azərbayan vətəndaşı işləyir

Bakı. 15 oktyabr. REPORT.AZ/ Hazırda 28 mlrd. dollar dəyərində olan yeni investisiya layihəsinin ("Şahdəniz-2" və Cənubi Qafqaz Boru kəmərinin genişləndirilməsi) tikinti fazasının ortasındayıq.

"Report" xəbər verir ki, bunu Bakıda keçirilən Dayanıqlı inkişaf və korporativ sosial məsuliyyət üzrə 1-ci Azərbaycan beynəlxalq konfransında çıxışı zamanı "BP Azerbaijan" şirkətinin vitse-prezidenti Bəxtiyar Aslanbəyli bildirib.

Onun sözlərinə görə, bu layihə çərçivəsində bugünədək Azərbaycanlı işçilər üçün tikinti sahəsində 15 mindən artıq yeni iş yerləri yaradılıb.

O qeyd edib ki, hazırda "Azəri-Çıraq-Günəşli", "Şahdəniz" və Bakı-Tbilisi- Ceyhan layihələrinin operatoru kimi BP şirkətində birbaşa olaraq 2900 nəfər Azərbayan vətəndaşı işləyir:

"Onların əksəriyyəti Bakıda fəaliyyət göstərir. Bununla yanaşı, bir sıra əsas Azərbaycanlı kadrlarımız ABŞ, Böyük Britaniya və digər ölkələrdə də çalışır.

Biz öz investisiyalarımızda yerli resurslardan istifadəni maksimuma çatdırmaq üçün səylə çalışmışıq. Layihələrimizin icrası üçün kifayət qədər yerli resurslar cəlb etmək məqsədilə yerli müəssisələr və işçi qüvvəsi üçün geniş təlim proqramları hazırlamışıq. Bu proqramlar işin ən yüksək beynəlxalq standratlara uyğun şəkildə yerinə yetirilməsi üçün tələb olunan bütün müvafiq səriştələri əhatə edir".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi