Yuxarı
    Bağlamaq

    Bolqarıstan hökuməti IGB layihəsi üzrə altı təklif alıb

    Təklif göndərənlər sırasında SOCAR da var

    Bakı. 2 aprel. REPORT.AZ/ Bolqarıstan hökuməti Bolqarıstan və Yunanıstan arasında inşa ediləcək qaz interkonnektorunun imkanlarından istifadə etməklə bağlı altı indikativ təklif alıb. "Report" Bolqarıstan KİV-inə istinadən xəbər verir ki, bu barədə Bolqarıstanın energetika naziri Temenujka Petkova məlumat verib.

    Nazirin sözlərinə görə, təklif göndərənlər sırasında Bolqarıstanın "Bulgargaz", Yunanıstanın DEPA və "Gastrade", İtaliyanın "Edison", Azərbaycan Dövlət Neft Şirkəti (SOCAR), ABŞ-ın Kiprdə şelf qaz yatağında çalışan "Noble Energy" şirkətləri var.

    Bolqarıstan və Yunanıstan hazırda Yunanıstan-Bolqarıstan interkonnektor qaz kəmərinin (İGB) tikintisinin birinci mərhələsini başa vurmaq üzrədir. Qeyd edək ki, rəsmi Sofiya bu qaz kəmərinin onlara Cənub Qaz Dəhlizinə (SGC) çıxışı təmin edəcəyinə ümidvardır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi