Berat Albayrak: "TANAP və TAP əsrin layihəsidir"

Bakı. 21 aprel. REPORT.AZ/ “Həm alternativ qaz təchizatı olması, həm də regionun ticarət mühitinə gətirəcəyi rəqabət baxımından Trans Anadolu Boru Kəməri (TANAP) və Trans Adriatik Boru Kəməri (TAP) Avropa üçün əhəmiyyətli layihələrdir”. 

“Report” xəbər verir ki, bunu Türkiyənin enerji və təbii qaynaqlar naziri Berat Albayrak Almaniyanın “Frankfurter Allgemeine Zeitung” nəşrinə müsahibəsində deyib.

B.Albayrakın fikrincə, mənbə və marşrut ölkələrinin sabitliyi və dünyada enerji təhlükəsizliyi, güclü işbirliyinin nə qədər önəmli olması baxımından TANAP və TAP əsrin layihəsidir.