“Azəriqaz” smart kartların verilməsi ilə bağlı iş qrafikində dəyişiklik edib

Azərbaycan Dövlət Neft Şirkətinin (SOCAR) “Azəriqaz” İstehsalat Birliyi sabahdan əlavə işçilər ayırır.

Bu barədə “Report”a “Azəriqaz”dan bildirilib.

Məlumata görə, bu gün 2 saylı “ASAN Kommunal” mərkəzində smart kart tipli sayğacların kartlarının verilməsi prosesində növbələrin yarandığını nəzərə alaraq, sabahdan etibarən Bakı Regional Qazın Satışı Departamentinin Babək prospekti 22/24 ünvanında (Volkswagen Bakı Mərkəzinin yanı) müştəri xidmətlərinin göstərilməsi üçün əlavə işçilər ayrılacaq: “Onlar həftənin 7 günü fəaliyyət göstərəcəklər. Bundan başqa, Sabunçu, Maştağa, Mərdəkan və Xırdalan xidmət sahələrində də xidmət əvvəlki qaydada davam etdiriləcək”.