“Azərenerji” bayram günlərində iş rejimini daha da gücləndirəcək

“Azərenerji” bayram günlərində iş rejimini daha da gücləndirəcək
Energetika
30 Dekabr , 2019 10:37
“Azərenerji” bayram günlərində iş rejimini daha da gücləndirəcək

Azərenerji” ASC Dünya Azərbaycanlılarının Həmrəylik Günü və Yeni il bayramı ilə bağlı iş rejimini daha da gücləndirəcək. 

"Report”a qurumun İctimaiyyətlə əlaqələr və media mərkəzinin rəisi Teymur Abdullayev bildirib ki, bununla bağlı qabaqlayıcı tədbirlər görülüb.

“Belə ki, enerji sistemin dayanıqlığı və etibarlığını qorumaq, istehlakçıları fasiləsiz olaraq elektrik enerjisi ilə təmin etmək məqsədi ilə mərkəzi aparat üzrə məsul şəxslərdən ibarət xüsusi növbətçilik təşkil edilib, eyni zamanda elektrik stansiyaları və sistem əhəmiyyətli yarımstansiyalara birbaşa məsul şəxslər təyin edilib. Yüksək gərginlikli ötürmə xətlərinin təkrar yoxlanılması və nəzarətdə saxlanılması təmin edilib. Regional və Birləşmiş Dispetçer Xidmətlərinin əməliyyat heyətlərinin işini, o cümlədən mühəndis-kommunikasiya, rabitə xətlərinin mühafizəsinin gücləndirilməsi təmin edilib”, – T.Abdullayev əlavə edib.

Son xəbərlər