Azərbaycanda daha bir kəndə qaz verilib

Bakı. 14 dekabr. REPORT.AZ/ Bu gün Yevlax rayonunun Aşağı Qarxun kəndinə təbii qazın verilişi bərpa edilib.

"Report" Azərbaycan Dövlət Neft Şirkətinin (SOCAR) mətbuat xidmətinə istinadən xəbər verir ki, bu münasibətlə keçirilmiş tədbirdə rayon icra hakimiyyətinin və “Azəriqaz” İstehsalat Birliyinin təmsilçiləri, ictimaiyyət nümayəndələri iştirak ediblər.

Bildirilib ki, 150 abonenti olan kəndin qazlaşdırılması zamanı birpilləli sistem əsasında ümumi uzunluğu 18 434 metr olan müxtəlif diametrli polietilen və metal borularla daşıyıcı və məhəllədaxili qaz xətləri çəkilib, hər bir abonent üçün ayrıca sayğac və fərdi tənzimləyici quraşdırılıb.