Azərbaycan və Xorvatiya alternativ enerji sahəsində əməkdaşlığı müzakirə edib

Azərbaycan və Xorvatiya iqtisadi əlaqələrin genişləndirilməsini müzakirə edib.

“Report”un İqtisadiyyat Nazirliyinə istinadən verdiyi məlumata görə, bu müzakirələr Azərbaycanın iqtisadiyyat naziri Mikayıl Cabbarov və Xorvatiyanın iqtisadiyyat və davamlı inkişaf naziri Damir Habijan arasında keçirilən görüşdə aparılıb.

M. Cabbarovun Damir Habijan ilə görüşündə iki ölkə arasında iqtisadi münasibətlərin inkişaf etdiyini vurğulanıb. Qeyd edilib ki, əməkdaşlığın müxtəlif istiqamətlər üzrə genişləndirilməsi üçün məqsədyönlü təşəbbüslər həyata keçirilir.

Qarşılıqlı işgüzar səfərlər, biznes dairələri arasında əlaqələrin genişlənməsi iqtisadi-ticarət əlaqələrinin güclənməsinə töhfə verir. Ölkələrimiz arasında ticarət əlaqələri inkişaf edir. 2023-cü ilin müvafiq dövrü ilə müqayisədə, 2024-cü ilin yanvar ayında ticarət dövriyyəsi 4 dəfəyə yaxın artıb. Xorvatiya ilə ticarət, investisiya, sənaye, bərpa olunan enerji, minatəmizləmə, turizm və digər istiqamətlər üzrə tərəfdaşlığın möhkəmləndirilməsi üçün geniş imkanlar var.

Görüşdə Azərbaycanın əlverişli işgüzar mühiti, investorlar üçün yaradılmış imkanlar, işğaldan azad olunmuş ərazilərimizin biznes potensialı haqqında məlumat verilib, xorvatiyalı sərmayədarlar ölkəmizdəki biznes fürsətlərindən yararlanmağa dəvət edilib.

Xorvatiyanın iqtisadiyyat və davamlı inkişaf naziri Damir Habijan ölkəsinin Azərbaycanla iqtisadi əlaqələrin inkişafına önəm verdiyini, tərəfdaşlığın gücləndirilməsi istiqamətləri barədə fikirlərini qeyd edib. Vurğulanıb ki, enerjinin Avropa bazarlarına çatdırılması üçün həyata keçirilən layihələr Azərbaycanın etibarlı enerji təchizatçısı kimi rolunu artırır.

Tərəflər iqtisadi əlaqələrin genişləndirilməsi, birgə investisiyaların və ticarətin təşviqi, alternativ enerji və sənaye üzrə əməkdaşlıq, həmçinin işgüzar dairələr arasında işbirliyinin gücləndirilməsi məsələlərini nəzərdən keçiriblər.

Azərbaycan və Xorvatiya arasında alternativ enerji və sənaye sahələrində əməkdaşlıq müzakirə edilib.

"Report" xəbər verir ki, bu barədə iqtisadiyyat naziri Mikayıl Cabbarov "X" sosial şəbəkəsindəki hesabında yazıb.

"Xorvatiyanın iqtisadiyyat və dayanıqlı inkişaf naziri Damir Habiyan ilə görüşdə ikitərəfli iqtisadi əlaqələrin prioritetlərini nəzərdən keçirdik", - nazir qeyd edib.

Görüşdə həmçinin birgə investisiyaların və ticarətin təşviqi, işgüzar dairələr arasında tərəfdaşlığın gücləndirilməsi müzakirə edilib.

Xorvatiyanın iqtisadiyyat və dayanıqlı inkişaf naziri Damir Habiyan ilə görüşdə ikitərəfli #iqtisadi əlaqələrin prioritetlərini nəzərdən keçirdik:
- Birgə investisiyaların və #ticarət-in təşviqi;
- #Alternativenerji və #sənaye sahələrində əməkdaşlığın dəstəklənməsi;
- İşgüzar… pic.twitter.com/45cR22ahdF

— Mikayil Jabbarov (@MikayilJabbarov) March 13, 2024