Azərbaycan neftinin qiyməti 87 dollara yaxınlaşıb

Dünya bazarında "Azeri Light" markalı Azərbaycan neftinin 1 barelinin qiyməti 2,21 ABŞ dolları, yaxud 2,61 % artaraq 86,88 dollara çatıb.

Bu barədə “Report”a neft bazarındakı mənbə məlumat verib.

Ötən gün “Brent” markalı neftin bir bareli 83,61 dollar olub.

Azərbaycanın builki dövlət büdcəsində bir barel neftin orta qiyməti 55 ABŞ dolları götürülüb.

Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.

Azərbaycanda neft əsasən "Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Dövlət Neft Şirkətinin (SOCAR) payı 25%-dir.