Azərbaycan bu il 163 mln dollarlıq neft məhsulları ixrac edib

Bu ilin yanvar-iyun ayları ərzində Azərbaycan gömrük bəyannamələrinə əsasən, 606,5 min ton həcmində neft məhsulları ixrac edib.

“Report”un Dövlət Gömrük Komitəsinin statistikasına əsasən verdiyi xəbərə görə, bu həcmdə məhsulun dəyəri 162,9  mln ABŞ dolları təşkil edib.

Bu ilin yanvar-iyun aylarında neft məhsullarının Azərbaycanın ümumi ixracında payı 2,12%  olub.

Bu ilin yanvar-iyun ayları ərzində ixrac edilən neft məhsullarının həcmi ötən ilin müvafiq dövründən 16,4% çox, dəyəri isə 37,6% azdır.