Azərbaycan neft məhsullarının ixracından qazancını 2,2 dəfə artırıb

Bu ilin yanvar-noyabr ayları ərzində Azərbaycan gömrük bəyannamələrinə əsasən, 1 milyon 228 min 790,15 ton həcmində neft məhsulları ixrac edib.

“Report”un Dövlət Gömrük Komitəsinin statistikasına əsasən verdiyi xəbərə görə, bu həcmdə məhsulun dəyəri 591,923 milyon ABŞ dolları təşkil edib.

Bu ilin yanvar-noyabr ayları ərzində ixrac edilən neft məhsullarının həcmi ötən ilin müvafiq dövründən 23,5 %, dəyəri isə 2,18 dəfə çoxdur.

Bu ilin yanvar-noyabr aylarında neft məhsullarının Azərbaycanın ümumi ixracında payı 2,99 % olub.