Azərbaycan neft məhsullarının ixracından gəlirini 71% artırıb

Bakı. 15 noyabr. REPORT.AZ/ Bu ilin yanvar-oktyabr aylarında Azərbaycan 459 661,82 min ABŞ dolları dəyərində 895 112,19 ton neft məhsulları ixrac edib.

“Report” Dövlət Gömrük Komitəsinin xarici ticarətin gömrük statistikasının aylıq hesabatına istinadən verdiyi məlumata görə, bu, ötən ilin eyni dövrü ilə müqayisədə müvafiq olaraq 191 434 min dollar (71,4%) və 209 104,89 ton (30,5%) çoxdur. 

10 ay ərzində neft məhsullarının ixracı Azərbaycanın ümumi ixracının 2,9%-ni təşkil edib.