Azərbaycan metanol istehsalını 35%-dən çox artırıb

Azərbaycan metanol istehsalını 35%-dən çox artırıb Azərbaycan metanol istehsalını 35%-dən çox artırıb
Energetika
334
16 Oktyabr , 2020 12:17
Azərbaycan metanol istehsalını 35%-dən çox artırıb

Bu ilin yanvar-sentyabr aylarında Azərbaycanda 368,2 min ton metanol (metil spirti) istehsal olunub.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 35,5% çoxdur.

Bu ilin oktyabrın 1-nə ölkədə 11,9 min ton hazır məhsul istehsalı yaranıb.

Metanol istehsalı Bakının Qaradağ rayonunda yerləşən Azərbaycan Dövlət Neft Şirkətinin (SOCAR) Metanol Zavodunda həyata keçirilir. 2013-cü ildə istismara verilmiş zavod 2016-cı ildən SOCAR-ın törəmə müəssisəsi olan “SOCAR Methanol” MMC-nin idarəçiliyi altında fəaliyyət göstərir, 2017-ci ilin avqust ayından isə şirkətin mülkiyyətinə keçib. Müəssisə illik 650-700 min ton metanol istehsal etmək gücünə malikdir. İstehsalatda xammal olaraq təbii qaz və duzlaşdırılmış su istifadə olunur.

Son xəbərlər

Orphus sistemi