Azərbaycan iki ayda 159 mln. ABŞ dolları dəyərində təbii qaz ixrac edib

Bu ilin yanvar-fevral ayları ərzində Azərbaycan gömrük bəyannamələrinə əsasən 1,371 mlrd. kubmetr həcmində təbii qaz ixrac edib.

“Report” Dövlət Gömrük Komitəsinin statistikasına istinadən xəbər verir ki, bu həcmdə təbii qazın dəyəri 158,751 mln. ABŞ dolları təşkil edib.

Bu ilin yanvar-fevral aylarında ixrac edilən təbii qazın həcmi ötən ilin müvafiq dövründən 32%, dəyəri isə 25% az olub.

Hesabat dövründə Azərbaycanın ümumi ixracında təbii qazın payı 4,89% təşkil edib.