Yuxarı

Azərbaycan fevralda enerji istehsalını 2% artırıb

Azərbaycan fevralda enerji istehsalını 2% artırıb
Bu ilin fevralında istehsal edilən enerjinin 98,5%-i “Azərenerji”nin payına düşüb

Bakı. 6 mart. REPORT.AZ/ Bu ilin fevral ayında Azərbaycanın enerjisi sistemində ümumilikdə 1,937 mlrd. kVt/s elektrik enerjisi istehsal edilib. 

“Report”un “Azərenerji” ASC-nin ictimaiyyətlə əlaqələr və mətbuat xidmətinə istinadən verdiyi xəbərə görə, bu, ötən ilin eyni dövrü ilə müqayisədə 32 mln. kVt/s və yaxud 1,68% artıb.

Məlumata görə, bu ilin fevralında istehsal edilən enerjinin 1,908 mlrd. kVt/s-ı yaxud 98,5%-i “Azərenerji”nin payına düşüb. Digər 29 mln. kVt/s-ı və ya 1,5%-i isə Naxçıvan Dövlət Energetika Agentliyinin payına düşür.

Bununla yanaşı, ay ərzində ölkə enerji sisteminin əlaqəsi olan qonşu dövlətlər ilə elektrik enerjisi mübadiləsi davam etdirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi