Azərbaycan elektrik enerjisi ixracından gəlirlərini 5 dəfədən çox artırıb

Bu ilin yanvar-oktyabr aylarında "Azərenerji" ASC 3 milyard 410 milyon kVt/saat elektrik enerjisi ixrac edib.

“Report” Dövlət Gömrük Komitəsinə istinadən xəbər verir ki, bu həcmdə enerjinin dəyəri 348,12 milyon ABŞ dolları təşkil edib.

Bunlar, ötən ilin eyni dövrü ilə müqayisədə müvafiq olaraq 4,1 dəfə və 5,4 dəfə çoxdur.

Hesabat dövründə elektrik enerjisinin ixracından gəlirlər Azərbaycanın ümumi ixrac gəlirlərində 1,9 %, qeyri-neft sektoru üzrə ixrac gəlirlərində isə 12,8 % paya malik olub.