Azərbaycan bu il 500 mln. dollarlıq qaz ixrac edib

Bakı. 20 iyun. REPORT.AZ/ Bu ilin yanvar-may ayları ərzində Azərbaycan 2 742 787,93 min kubmetr həcmində təbii qaz ixrac edib.

“Report”un Dövlət Gömrük Komitəsinə (DGK) istinadən verdiyi xəbərə görə, ixrac olunan təbii qazın dəyəri 498 842,45 min ABŞ dolları olub.

İlin ilk 5 ayında ixrac olunan təbii qazın miqdarı ötən ilin müvafiq dövrü ilə müqayisədə 11,46%, dəyəri isə 3,17% azalıb.

Hesabat dövründə təbii qazın Azərbaycanın ümumi ixracında payı 6,77% təşkil edib.