Yuxarı
    Bağlamaq

    ​Azərbaycan Albaniyanın qazlaşdırılması Baş Planının inkişafında iştirak edəcək

    İki ölkənin hökumətləri arasında müvafiq anlaşma memorandumu imzalanıb

    Bakı. 19 dekabr. REPORT.AZ/ Azərbaycanın energetika naziri Natiq Əliyev, xarici işlər nazirinin müavini Xələf Xələfov və Dövlət Neft Şirkətinin (SOCAR) prezidenti Rövnəq Abdullayevin təmsil olunduğu nümayəndə heyəti Albaniyada səfərdədir. Bu barədə "Report"a SOCAR-ın mətbuat xidmətindən məlumat verilib.

    Dekabrın 19-da Azərbaycan nümayəndə heyəti Albaniyanın baş naziri Edi Rama, parlamentin sədri İlir Meta, energetika və sənaye naziri Damian Giknuri ilə görüşlər keçirib. Görüşlərdə Albaniya və Azərbaycan arasında enerji sahəsində ikitərəfli münasibətlər, Trans-Adriatik Qaz Boru Kəməri (TAP) və regionda həyata keçirilən digər enerji layihələri üzrə əməkdaşlıq məsələləri və perspektivlər müzakirə olunub.

    Səfər çərçivəsində iki ölkənin hökumətləri arasında Albaniyanın qazlaşdırılmasına dair Baş Planın inkişafında əməkdaşlıq haqqında Anlaşma Memorandumu imzalanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi