Yuxarı
    Bağlamaq

    Azərbaycan neft ixracını 23 mln. tona qədər artırıb

    İllik müqayisədə ixrac gəlirləri 2% azalıb

    Bakı. 16 sentyabr. REPORT.AZ/ Cari ilin yanvar-avqust aylarında Azərbaycandan 22,788 mln. ton neft ixrac olunub. 

    Dövlət Gömrük Komitəsindən Report-a bildirilib ki, bu həcmdən gömrük bəyannaməsi ilə 13,129 mlrd. ABŞ dolları həcmində 16,027 mln. ton neft ixrac olunub. Ötən ilin yanvar-avqust ayları ilə müqayisədə neftin satışından əldə olunan gəlir 2,18% azalıb. 

    İxracın ümumi həcmindən 678,728 min ton neft Bakı-Novorossiysk boru kəməri ilə, 2,823 mln. ton - Bakı-Supsa marşrutu ilə ixrac edilib. Həmin dövr ərzində Bakı-Tbilisi-Ceyhan böru kəməri ilə 18,651 mln. ton, dəmir yolu ilə isə 634,802 min ton neft ixrac olunub. 

    Qeyd edək ki, sayğacların göstəricilərinə əsasən, 2013-cü il ərzində Azərbaycandan neft ixracı 34,245 mln. ton təşkil edib, bundan gömrük bəyannaməsi ilə 20,244 mlrd. dollar məbləğində 24,855 mln. ton neft ixrac edilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi