Avropanın təbii qaz bazarında qiymətlər aşağı düşüb

Avropada keçirilən səhər hərraclarında təbii qazın qiyməti bir qədər aşağı düşüb.

“Report” xəbər verir ki, Londondakı “İCE Futures” birjasında qazın 1000 kubmetri 1060-1130 dollar arasında satılıb ki, bu da cümə gününün hesablama qiymətlərinə nisbətən 1,9-8,2 faiz azdır. Belə ki, regionun ən böyük onlayn qaz satışı mərkəzi olan TTF-in aprel fyüçersləri açılışdakı 1115 USD/1000 kubmetrdən tezliklə 1057,8 dollara enib, sonradan da 1129,7 dollarlıq maksimumadək yüksəlib.

Qeyd edək ki, martın əvvəlində regionda Rusiyadan qaz idxalının dayandırılacağı ehtimalları nəticəsində qiymətlər tarixi maksimuma çatandan sonra ayın ortalarında üç dəfəyədək aşağı düşüb.