Avropada təbii qazın qiyməti artıb

Avropada təbii qazın qiyməti “Şimal axını” kəməri vasitəsilə “mavi yanacağ”ın nəqlinin azaldılması fonunda bu ilin martın 8-dən bəri ilk dəfə olaraq 1000 kubmetr üçün 2300 dollardan yuxarı qalxıb.

“Report”un məlumatına görə, bunu London ICE birjasının məlumatları göstərir.

Təbii qazın qiymətində ümumi artım 10%-i ötüb.

Avropanın ən böyük virtual ticarət platforması olan TTF (Niderland) indeksi üzrə avqust fyuçerslərində 1000 kubmetr təbii qazın qiyməti 2307 dollara yüksəlib.