Avropada təbii qaz 1 % bahalaşıb

Avropada təbii qaz qiyməti təxminən 1 % artıb ki, bu da 2021-ci ilin avqustundakı göstəriciyə uyğundur.

“Report” ICE London Fond Birjasının məlumatlarına istinadən xəbər verir ki, Avropanın ən likvid habı olan TTF-də (Niderland) təbii qazın aprel fyuçersləri günə 1 000 kubmetr üçün 522,3 ABŞ dolları (+0,5 %) səviyyəsində başlayıb.

Daha sonra təbii qazın qiyməti 1 000 kubmetr üçün 525,5 ABŞ dollarına (+1,1 %) qədər artıb. Dinamika əvvəlki ticarət günü qeydə alınmış hesablaşma qiymətinə (1 000 kubmetr üçün 519,7 ABŞ dolları) əsasən hesablanır.