Avropada təbii qazın qiyməti 5 %-dək düşüb

Avropada təbii qazın birja qiymətləri 5%-dək düşüb.

“Report” Londonun “ICE Futures” birjasına istinadən xəbər verir ki, Avropanın ən likvid habı olan TTF-də (Niderland) qazın yanvar fyuçerslərinin qiyməti günə 960 dollarla (-4,9 %) başlasa da, sonradan 966 dollara (-4,2 %) yüksəlib. Dinamika əvvəlki ticarət günü qeydə alınmış hesablaşma qiymətinə (min kubmetr üçün 1 007,7 dollar) əsasən hesablanır.

Xatırladaq ki, bazar ertəsi Avropa İttifaqı (Aİ) ölkələri qazın maksimum qiymət həddinin 1 MVt/saat üçün 180 avro (min kubmetr üçün təxminən 1861 avro) səviyyəsində müəyyən edilməsi barədə razılığa gəlib. Qərar fevralın 15-dən qüvvəyə minəcək.