Avropada qaz bahalaşmağa davam edir

Avropada qaz daha 5 % bahalaşaraq 1 000 kubmetr üçün 900 ABŞ dolları həddinə yaxınlaşıb.

“Report” xəbər verir ki, Londonun “İCE Futures” birjasındakı hərrac zamanı TTF onlayn satış mərkəzində qazın oktyabr fyüçersləri 853 ABŞ dollardan başlayaraq gün ərzində 895,3 ABŞ dollarınadək yüksəlib ki, bu da cümə günü səviyyəsinə nisbətən 5,4 % çoxdur.

Qeyd edək ki, TTF-dən satılan qazın fyüçersləri cəmi bir ay bundan əvvəl 1 000 kubmetr üçün 500 ABŞ dolları səviyyəsini cüzi keçmişdisə, sentyabrın 15-də 960 ABŞ dollarlıq tarixi rekorda çatmışdı.