Avropa Parlamenti qaz layihələrinin maliyyələşdirilməsini dayandırmaq istəyir

Avropa İttifaqı ümumi büdcədən sərhədyanı qaz layihələrinin maliyyələşdirilməsini dayandırmalıdır.

"Report"un "Prime" nəşrinə istinadən verdiyi xəbərə görə, bu barədə Avropa Parlamentinin Sənaye, Araşdırma və Enerji Komitəsinin məlumatında deyilir.

Qeyd edilir ki, təbii qaza əsaslanan layihələr artıq Avropa İttifaqının maliyyələşdirilməsinə uyğun olmayacaq.

Bundan əvvəl Avropa İnvestisiya Bankı 2021-ci ilin sonundan etibarən fosil yanacaq sahəsindəki layihələrə yeni maliyyə investisiyalarını nəzərdən keçirməyəcəyini bəyan edib.