AÇG və “Şahdəniz”dən 297 mlrd kubmetrdən çox qaz hasil edilib

İstismara veriləndən bu il iyulun 1-dək Xəzərin Azərbaycan sektorunda yerləşən “Azəri-Çıraq-Günəşli” yataqlar blokundan 171,2 mlrd kubmetr, “Şahdəniz” qaz-kondensat yatağından isə 126,3 mlrd kubmetr qaz hasil edilib.

“Report” xəbər verir ki, bu barədə Azərbaycan Energetika Nazirliyinin məlumatında qeyd edilib.

 “Şahdəniz” yatağı istismara veriləndən cari ilin 1 iyul tarixinədək 83,5 mlrd kubmetr qaz ixraca nəql edilib.

Bu ilin I yarısında AÇG-dən 6,3 mlrd kubmetr, “Şahdəniz”dən 9,4 mlrd kubmetr qaz hasil olunub.

Qeyd edək ki, “Şahdəniz” yatağından hasil edilən qazın ixrac istiqamətləri Türkiyə və Gürcüstan bazarlarıdır.