ABŞ Polşaya maye qaz satır

Bakı. 8 noyabr. REPORT.AZ/ ABŞ maye qazının Polşaya tədarükünə dair daha bir saziş imzalanıb.

“Report” TASS-a istinadən xəbər verir ki, bu barədə Polşanın PGNiG şirkəti məlumat yayıb.

Bildirilib ki, ABŞ-ın “Cheniere Marketing İnternational” şirkəti ilə imzalanan saziş Polşaya yenidən qazlaşdırmadan sonra 2019-2022-cı illərdə 0,73 milyard kubmetr, 2023-2042-ci illər ərzində isə 39 milyard kubmetr, yəni orta hesabla ildə, təqribən, 1,95 milyard kubmetr təbii qaz tədarükünü nəzərdə tutur.

Qeyd edək ki, ötən ay tərəflər arasında Polşaya ABŞ-dan 20 il ərzində illik 2 milyon ton maye qaz tədarükü haqqında müqavilə imzalanıb.