ABŞ Konqresinə Rusiyadan enerji idxalını qadağan edən qanun layihəsi təqdim olunub

ABŞ Konqresinə Ukrayna hadisələri ilə əlaqədar Rusiyadan enerji idxalını qadağan edən qanun layihəsi təqdim edilib.

"Report" "RİA Novosti"yə istinadən xəbər verir ki, qanun layihəsi Konqresin hər iki palatasının senatorları tərəfindən hazırlanıb.

"Vladimir Putin enerji sektorundan müharibə silahı kimi istifadə edir. Rusiyanın hərəkətləri ABŞ-ın milli təhlükəsizliyinə, eləcə də milli və beynəlxalq enerji siyasətimizə əsaslı şəkildə yenidən baxılmasını tələb edir", - sənəddə deyilir.

Qanun layihəsinə görə, ABŞ Prezidenti Rusiyadan xam neft, neft məhsulları, LNG və kömür idxalına tam qadağa elan etməlidir.