Ötən ildə Azərbaycan neft məhsullarının ixracından qazancını 2,2 dəfə artırıb

Ötən il ərzində Azərbaycan gömrük bəyannamələrinə əsasən, 1 milyon 341 min 851,30 ton həcmində neft məhsulları ixrac edib.

“Report”un Dövlət Gömrük Komitəsinin statistikasına əsasən verdiyi xəbərə görə, bu həcmdə məhsulun dəyəri 649,567 milyon ABŞ dolları təşkil edib.

2021-ci il ərzində ixrac edilən neft məhsullarının həcmi 2020-ci ilin müvafiq dövründən 26,13 %, dəyəri isə 2,2 dəfə çoxdur.

Ötən il ərzində neft məhsullarının Azərbaycanın ümumi ixracında payı 2,93 % olub.