Yuxarı
    Bağlamaq

    UNEC-də yüksək bal toplayan tələbələrin klubu yaradılıb

    Klubun məqsədi UNEC-ə 600 və daha yüksək balla qəbul olan tələbələri bir araya toplamaqdır

    Bakı. 2 noyabr. REPORT.AZ/ Azərbaycan Dövlət İqtisad Universitetində (UNEC) “600+” Tələbə Klubu yaradılıb. 

    UNEC-in Marketinq və Kommunikasıya Departamentindən "Report"a verilən məlumata görə, klubun məqsədi UNEC-ə 600 və daha yüksək balla qəbul olan tələbələri bir araya toplayaraq, onların potensialını dəyərləndirməkdir.

    Klub üzvləri UNEC-in elmi, ictimai və sosial həyatında fəal iştirak edəcək, tələbə həyatına yönəlik layihə və proqramlar hazırlayacaqlar. Eyni zamanda, intellektual-əyləncəli tədbirlər keçirəcəklər. “600+” Tələbə klubu UNEC-i yerli və beynəlxalq səviyyəli konfrans, müsabiqə və olimpiadalarda təmsil edəcəklər.

    Klub üzvləri tələbə-mentorlarla fikir mübadiləsi aparacaq, tələbələr arasında təhsil kultunun yüksəldilməsinə və uğurlu tələbə obrazının təbliğinə yönəlik tədbirlər həyata keçirəcəklər.

    “600+” Tələbə Klubunun İdarə Heyəti və sədri iki il müddətinə, gizli səsvermə yolu ilə seçiləcək. İdarə Heyəti üzvlərinin sayı fakültələrinin sayına bərabər olacaq. Hər hansı fakültədə müvafiq bal toplayan tələbə olmadıqda, bu yerlər digər fakültələrə veriləcək. Klubun tərkibində üç daimi komitə fəaliyyət göstərəcək: İntellektual-əyləncəli tədbirlər, Təhsil tədbirləri, Abituriyent və məzunlarla əlaqələr üzrə komitə.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi