Yuxarı

UNEC brendinin təqdimat mərasimi keçirilib - FOTO

Ədalət Muradov: Bu o demək deyil ki, İqtisad Universitetinin adı dəyişilir

Bakı. 15 mart. REPORT.AZ/ Azərbaycan Dövlət İqtisad Universitetində UNEC brendinin təqdimat mərasimi keçirilib. "Report"un məlumatına görə, universitetin rektoru Ədalət Muradov çıxışı zamanı deyib ki, brend təşkilatın imicidir. O bildirib ki, brend öz fərdiliyi ilə seçilən əmtəə, xidmət, təşkilatdır: "İqtisad Universiteti artıq brendini rəsmiləşdirib. Yanvarın 21-də rəsmi şəkildə brendimiz qeydiyyata alınıb. Lakin bu, o demək deyil ki, İqtisad Universitetinin adı dəyişilir. Yox, bu belə deyil. ADİU abbreviaturası olduğu kimi qalır, sadəcə universiteti brendləşdirməklə dünya təhsil xidmətləri bazarında rəqabətliliyi brend univesitet yaratmağı hədəfləyirik".

Daha sonra təhsil eksperti Əjdər Ağayev çıxış edərək qeyd edib ki, bu, müasir yanaşmadır: "Bu məsələ hər zaman aktual olub. Çünki brendləşmə universitetlərin xarakterinə görə obrazıdır".

Çıxışçılar məsələ ilə bağlı öz fikirlərini bölüşərək bu addımı yüksək qiymətləndiriblər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi