Təhsil naziri: "Bakı Mühəndislik Universitetinin yaradılması bu profilli digər ali təhsil müəssisələrinin ləğv edilməsinə zəmin yaratmayacaq"

Bakı. 14 noyabr. REPORT.AZ/ "Bakı Mühəndislik Universitetinin yaradılması bu profilli digər ali təhsil müəssisələrinin ləğv edilməsinə zəmin yaratmayacaq. Bununla bağlı deyilənlər sadəcə şayiədir".

"Report" xəbər verir ki, bunu təhsil naziri Mikayıl Cabbarov deyib.

Onun sözlərinə görə, universitetin müvafiq maddi texniki bazası yaradılacaq: "Yeni rektor təyin olunacaq. Tədris planları hazırlanacaq. 2017/2018-ci tədris ilində universitet tam həcmdə fəaliyyətə başlamalıdır. Universitetin hansı ünvanda yerləşəcəyi ilə bağlı müzakirələr aparılır, müxtəlif təkliflər hazırlanır".