Yuxarı
    Bağlamaq

    Salyan, Neftçala və Biləsuvar rayon müəllimlərinin diaqnostik qiymətləndirilməsi keçiriləcək

    Qiymətləndirmədə 4500 nəfərə yaxın müəllim iştirak edəcək

    Bakı. 13 dekabr. REPORT.AZ/ Salyan, Neftçala və Biləsuvar rayonlarının dövlət ümumi təhsil müəssisələrində çalışan müəllimlərin bilik və bacarıqlarının diaqnostik qiymətləndirilməsi keçiriləcək.

    Təhsil Nazirliyindən “Report”a verilən məlumata görə, dekabrın 15-16-da Masallı Olimpiya İdman Kompleksində keçiriləcək diaqnostik qiymətləndirmədə 4500 nəfərə yaxın müəllim iştirak edəcək.

    Diaqnostik qiymətləndirmədə iştirak edəcək müəllimlər dq.edu.az saytına daxil olmaqla “Şəxsi səhifə” bölməsindən imtahanların keçiriləcəyi tarix və saat barədə məlumat əldə edə bilərlər.

    Nazirlikdən bildirilib ki, eyni zamanda, həmin səhifə vasitəsilə məlumatların dürüstlüyünü yoxlamaq mümkündür. Uyğunsuzluq aşkar edildiyi təqdirdə yerli təhsili idarəetmə orqanlarına müraciət edilə bilər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi