Yuxarı
    Bağlamaq

    Sabah XXI əsrin ən uzun “Qanlı Ay” tutulması hadisəsi baş verəcək

    Dinlə

    Bakı. 26 iyul. REPORT.AZ/ Sabah XXI əsrin ən uzun “Qanlı Ay” tutulması hadisəsi baş verəcək.

    “Report” xəbər verir ki, iyulun 27-dən 28-ə keçən gecə baş verəcək təbiət hadisəsi Bakı vaxtı ilə saat 22:24:27-də başlayacaq.

    Tam tutulmanın başlanması isə saat 23:30:15-ə təsadüf edəcək. Tam tutulma 01:13:11-də sona çatacaq. Bu zaman Ayın səthi qızılı rəngə bürünəcək. Ona görə də bəzən buna "Qanlı Ay" deyirlər. 

    1 saat 43 saniyəlik tutulma hadisəsinin bütövlükdə sona çatması saat 02:19-də qeydə alınacaq və həmin vaxt Ayın səthi tam açılacaq.

    İkinci tutulma gecə saatlarında olduğu üçün prosesi Azərbaycanda da tamamilə müşahidə etmək mümkün olacaq. Qeyd edilən tarixdə, həmçinin Mars -Yer qarşıdurması hadisəsi baş verəcək.

    Xatırladaq ki, bu ilin ilk Ay tutulması hadisəsi yanvarın 31-də qeydə alınıb. Bu dəfəki ay tutulması hadisəsi birinci tutulmadan 27 dəqiqə uzun çəkəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi