Yuxarı
    Bağlamaq

    "Peşə Təhsili üzrə Regional Məsləhət və Yardım Xidməti" ilk təlimlərinə yekun vurub

    Təlim müddətində bir qrup gənc toxuculuq və dərzi peşələrinə yiyələniblər

    Bakı. 7 may. REPORT.AZ/ Gənclər üçün Təhsil Mərkəzinin (GTM) Qarabağ Regional Ofisi və Ağcabədi rayon İcra Hakimiyyətinin birgə əməkdaşlığı çərçivəsində "Peşə Təhsili üzrə Regional Məsləhət və Yardım Xidməti" ilk təlimlərinə yekun vurub. GTM-dən "Report"a verilən məlumata görə, Ağcabədi rayonundakı Heydər Əliyev Mərkəzində davam edən 2 aylıq ilk təlim müddətində bir qrup gənc toxuculuq və dərzi peşələrinə yiyələniblər.

    Xidmət çərçivəsində gənclərə toxuculuq, xalçaçılıq, rəssamlıq, kompüter, musiqi və digər ödənişsiz kurslar təşkil olunacaq, onlar bu sahədə həm nəzəri, həm də praktik biliklərə yiyələnəcəklər.

    Qeyd edək ki, Peşə Təhsili üzrə Regional Məsləhət və Yardım Xidməti regionda əmək bazarının araşdırılmasına, texniki-peşə məktəblərinin mühəndis-pedaqoji heyətləri üçün ixtisasartırma kurslarının təşkil edilməsinə, regionda əmək bazarının tələblərinə uyğun olaraq peşələrin müəyyənləşdirilməsinə və tədrisinə yardım etmək məqsədilə yaradılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi