Yuxarı

​Naxçıvandakı orta məktəblərdə kompüterlərin 85,6 faizi internetə qoşulub

Son 20 ildə MR-də 4 məktəbdənkənar müəssisə və 26 uşaq musiqi məktəbi tikilib və ya yenidən qurulub

Bakı. 19 dekabr. REPORT.AZ/ Son 20 ildə Naxçıvan Muxtar Respublikasında (MR) 19 məktəbəqədər təhsil müəssisəsi, 176 ümumtəhsil müəssisəsi tikilib və ya yenidən qurulub.

"Report" xəbər verir ki, bu barədə məlumatı MR-in Dövlət Statistika Komitəsi açıqlayıb.

Məlumatda göstərilib ki, muxtar respublikanın ümumtəhsil məktəblərində 1 yanvar 1996-cı il tarixdə 1 dəst kompüterdən 75 şagird istifadə edibsə, hazırda hər 12 şagird bir dəst kompüterlə təmin olunub.

Ümumtəhsil məktəblərində istifadədə olan 3 801 dəst kompüterin 3 253-ü və ya 85,6 faizi internetə qoşulub.

Məlumatda qeyd olunub ki, 1995-1996-cı tədris ilində ümumtəhsil məktəblərini bitirən 3 512 məzundan 401, 2014-2015-ci tədris ilində ümumtəhsil məktəblərini bitirən 3 331 məzundan 1 582-si tələbə adını qazanıb.

Ötən dövr ərzində muxtar respublikada 14 məktəbdənkənar müəssisə və 26 uşaq musiqi məktəbi tikilib və ya yenidən qurulub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi