Yuxarı
    Bağlamaq

    Məleykə Abbaszadə Biləsuvarda vətəndaşları qəbul edəcək

    Yanvarın 29-da keçiriləcək qəbul rayonda yerləşən Heydər Əliyev Mərkəzində olacaq

    Bakı. 21 yanvar. REPORT.AZ/ Tələbə Qəbulu üzrə Dövlət Komissiyasının (TQDK) sədri Məleykə Abbaszadə yanvarın 29-da Biləsuvar rayonunda vətəndaşları qəbul edəcək. TQDK-dan "Report"a verilən məlumata görə, rayonda yerləşən Heydər Əliyev Mərkəzində keçiriləcək qəbulda Biləsuvar, Cəlilabad, Masallı, Yardımlı, Lənkəran, Lerik və Astara rayon sakinləri və bu rayonlarda məskunlaşmış qaçqın və məcburi köçkünlər iştirak edə bilərlər.

    Qəbulda iştirak etmək istəyən vətəndaşlar TQDK-nın internet saytına daxil olaraq elektron müraciət formasını doldurmaqla qeydiyyatdan keçməli və ya TQDK-nın Lənkəran regional bölməsinə müraciət etməlidirlər. Bundan əlavə, qeydiyyata yazılmaq istəyən vətəndaşlar Biləsuvar, Cəlilabad, Masallı, Yardımlı, Lerik və Astara rayon təhsil şöbələrinə də müraciət edə bilərlər.

    Qeyd edək ki, qəbula gələn vətəndaşlar şəxsiyyət vəsiqəsini təqdim etməlidir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi