Yuxarı
    Bağlamaq

    Məktəbəhazırlıq qruplarında dərs deyəcək müəllimlər üçün təlim keçirilir

    Təlimləri uğurla başa vuran müdavimlərə ixtisasartırma təhsili haqqında dövlət nümunəli sertifikatlar veriləcək

    Bakı. 18 iyul. REPORT.AZ/ “Məktəbəhazırlıq qruplarında işin təşkili metodikası” proqramı üzrə təlim kursları davam edir.

    Bakı Şəhəri üzrə Təhsil İdarəsindən "Report"a verilən məlumata görə, kurslar Təhsil İşçilərinin Peşəkar İnkişafı İnstitutu və “Təhsildə İnnovativ Texnologiyalar” Əlavə Təhsil Mərkəzi tərəfindən birgə təşkil olunub.

    İyulun 20-dək davam edəcək təlimlərin əsas məqsədi uşaqların erkən yaş dövründən intellektual, fiziki və psixi inkişafını, sadə əmək vərdişlərinə yiyələnməsini, istedad və qabiliyyətinin üzə çıxarılmasını, sağlamlığının qorunmasını, estetik tərbiyəsini, təbiətə və insanlara həssas münasibətinin formalaşmasını təmin etmək üçün məktəbəhazırlıq qruplarında dərs deyəcək müəllimlərdə zəruri bacarıqlar formalaşdırmaqdır.

    Təlimləri uğurla başa vuran müdavimlərə ixtisasartırma təhsili haqqında dövlət nümunəli sertifikatlar veriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi