Yuxarı
    Bağlamaq

    Magistratura və rezidenturaya sənəd qəbulunun vaxtı uzadılıb

    Magistraturaya sənəd verən 10 650 nəfər, rezidenturaya isə 949 nəfər öz ərizəsini təsdiqləyib© Report

    Bakı. 17 mart. REPORT.AZ/ “Ali təhsil müəssisələrinə 22 mindən çox abituriyent ərizə verib ki, onlardan 403 nəfəri artıq öz ərizəsini təsdiqləyib”.

    “Report” xəbər verir ki, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə bu gün keçirdiyi mətbuat konfransında deyib.

    O bildirib ki, magistraturaya sənəd verən 10 650 nəfər, rezidenturaya isə 949 nəfər öz ərizəsini təsdiqləyib: "Statistik göstəriciləri analiz etdikdə belə qənaətə gəldik ki, hələ də ərizə verib təsdiqləməyən insanlar kifayət qədərdir. Məndə olan ilkin məlumata görə, magistraturaya 2 111, rezidentura üzrə isə 900 nəfər şəxs öz ərizəsini təsdiqləməyib. Ona görə də qərara gəlinib ki, hər iki təhsil səviyyəsi üzrə sənəd qəbulunun vaxtı martın 28-i gecə saat 00.00-a qədər uzadılsın”.

    M.Abbaszadə əlavə edib ki, Novruz bayramı günlərində də sənəd vermək və təsdiq etmək mümkündür: “Bəzi insanların adları və ya soyadları ilə bağlı müəyyən problemləri olur ki, onlar sənəd qəbulu komissiyalarına müraciət etməlidirlər. Sənəd Qəbulu Komissiyaları bayramlarda işləməyəcək. Lakin bayramdan sonra SQK-ları 2 gün ərzində fəaliyyət göstərəcək və problemləri həll etmək mümkün olacaq. Amma elektron qaydada sənəd qəbulu mümkündür”.

    DİM sədri qeyd edib ki, Təhsil Nazirliyi ilə müsabiqə şərtlərini dəqiqləşdirdikdən sonra “Abituriyent” jurnalı işıq üzü görəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi